سعاد إلزامك
لا عمري فهمت
أمور العشق و العشاق
و مهما أشتاق
أهو بأعافر
أمل غادر
و بيغادر
يسيب الدمعة مكبوتة
لا منها خدتني للتوبة
و لا غسلت هموم و حنين
ما هيَّ سنين
تمر فـ عتمة المساكين
لا بتبدل شقا المقهور
و لا بتبدر ألمهم نور
يا دوب تتلوى من تاني
عشان تِقسى و تنساني
و ترسم آهة و التانية
و تمحي ضحكتي فـ ثانية
كإني نقطة وسط بحور
بنات الحور
تنادي عليَّ في الزحمة
تاخدني لوادي مـ الرحمة
و ما تسيبني لشقايَّ أعود
لأرض العشق و العشاق
ليست هناك تعليقات:
إرسال تعليق