سليمان الراشد
فيها ناس مِتسَاقة بطبيعتها
وناس دايماً بتحب تِسوق
فيها إللى ملَصَم أحلامُه
ومجَبِس حِلمُه المَسروق
فيها العايم عكس التيار
كل ما ينزل يطلع فوق
فيها الشبعان من حلاوتها
وفيها إللى يادوب مكتوب لُه يدووق
فيها الغرقان في نَعيم ونِعمْ
وفيها الغَرقَان مِش لاقى الطوق
فيها الهَبيشة الهليبة
وفيها الجعانين لكن لساهم ذووق
فيها اللى بيحلم بالافضل
وفيها المستنى الدنيا تروق
الرابح فى الدنيا بايعها
والخاسر عاشق للسوق
الدنيا دي سوق
فياريت نفهم بقى ونفوق.
ليست هناك تعليقات:
إرسال تعليق