سعاد إلزامك
خُد بس قطمة .. هيّ قطمة
من رغيف الشبعانين
احدفها مرة
جوة جوف الشقيانين
طول سنين متشوقينللقمة مغموسة بدفا
من قلب مليان بالوفا
يِحَيوا أسياد الغلابة
ملوك في غابة
أشجارها تطرح بالشقا
و طيورها تنعي م الجفا
و دياب تصاحبها الضباع
تنهش بأنياب الضياع
حلم ادفن
من غير كفن
غير شبر هدمة مهربدة
ضحكة بشفة معربدة
لملوك يادوبك همهم
يعبوا من قهر الغلابة
فلوس .. جواهر متلتلة
و نسيوا آخرة مُقبلة
ما ينول صفاها
و سعيد جِناها
إلا بدعوة مخلصة
ليست هناك تعليقات:
إرسال تعليق